Ինչպե՞ս դեպիլյացիայի համար մեղրամոմ պատրաստել

Դեպիլյացիայի համար մեղրամոմի բաղադրատոմսեր 

Կնոջ մարմնի վրայի ավելորդ  մազերի դեմ պայքարում ամենաարդյունավետ միջոցներից մեկը մեղրամոմային դեպիլյացիան է: Այսինքն՝ այնպիսի կոսմետիկ միջամտություն, երբ հեռացվում է մազի ոչ միայն տեսանելի հատվածը, այլ նաև արմատը: Ավելին, պարկիկը վնասվում է և մազիկների աճը դանդաղում է:

Մեղրամոմային դեպիլյացիան հաջողությամբ կիրառվում է շատ գեղեցկուհիների կողմից տնային պայմաններում: Միջամտությունն արագ է, չի պահանջում հատուկ պայմաններ և ջանքեր: Մեղրամոմային դեպիլյացիայի ցավոտ է, սակայն մի քանի անգամ այն կիրառելուց հետո կինը սովորում է և ցավոտ զգացումներ չի ունենում, ինչպես առաջին անգամ:

Ինչպե՞ս տնային պայմաններում մեղրամոմ պատրաստել դեպիլյացիայի համար։

Տնային պայմաններում այսօր հնարավոր է պատրաստել միայն մեկ տեսակի՝ մեղրամոմ շաքարից: Նման մեղրամոմը ավելի քիչ ցավոտ զգացումներ է առաջացնում, իսկ արդյունքը շարունակական է և նշանակալի:

Կենցաղային օգտագործման համար պատրաստում են բնական բաղադրամասերի հիման վրա՝ շաքար, մեղր, կիտրոն, ջուր, մեղրամոմ, բրազիլիական կամ արմավենու   մոմ, գերչակի ձեթ, լանոլին  և այլն: Նման մթերքից ստացած մեղրամոմը դժվար է անվանել իսկական (քանի որ մեղրամոմերը քիմիական կառուցվածքային տեսակետից  կենդանական և բուսական ծագման միացություններ են),  սակայն ունեն պլաստիկություն, որն արդյունավետ է մազերի հեռացման համար:

Դեպիլյացիայի համար իրական մեղրամոմ, օրինակ, կարելի է անվանել այն բաղադրությունը, որը թվագրվում է հին եգիպտական քաղաքակրթության ժամանակներից, որը կազմված էր մեղրամոմից և լանոլինից (ստացվում է ոչխարի բրդի լվացման ջրերից):

Դեպիլյացիայի համար մեղրամոմի բաղադրատոմսեր

Բաղադրատոմսեր բնական մոմերի հիման վրա՝

130 գ սպիտակ մեղրամոմ, 360 գ կարնաուբյան մեղրամոմ (բրազիլական մոմային արմավի կամ կարնաուբի տերևներից),  7 մլ գլիցերին,

Եթերային յուղի կաթիլների որոշ քանակություն՝ ներոլներ և լավանդներ:

Մեղրամոմերն ու կարնաուբյան մոմերը հալել ջրե բաղնիքի վրա` միատեսակ խառնուրդ ստանալու համար: Այնուհետև մի քիչ  սառեցնել, ավելացնել գլիցերին ու եթերային յուղ: Խառնուրդը պատրաստ է օգտագործման: Կարելի է պահել սառնարանում՝ օգտագործելուց առաջ տաքացնելով ջրային բաղնիքի վրա (կամ ջեռուցիչում): 

Ծանոթություն. նշյալ խառնուրդի բաղադրամասեր կարելի է ձեռք բերել առևտրի կենտրոններում՝ կոսմետոլոգների համար նախատեսված արտադրանքի վաճառքի կետերում:  

«Եգիպտական խառնուրդ» տնային դեպիլյացիայի համար

340 գ մեղր, 200 մլ տաք ջուր, կես կիտրոնի  հյութ:

Կես կիտրոնի հյութը խառնել մեղրի հետ, ավելացնել քիչ քանակությամբ ջուր: Պատրաստել կաթսայի մեջ՝ թույլ կրակի վրա, անդընդհատ խառնելով: Երբ մեղրը ամբողջությամբ հալվի  և բաղադրիչները հավասարաչափ խառնվեն, ավելացնել մնացած ջուրը: Խառնուրդը եփել մեղմ կրակի վրա՝ մինչև դառնա խիտ մրգահյութ: Ստացված դեպիլյատորը կարելի է պահել սառնարանում: Օգտագործելուց առաջ պետք է խառնուրդը տաքացնել ջրային բաղնիքի վրա, մաշկի վրա քսելուց առաջ ստուգել ջերմաստիճանը, չայրվելու համար: 

«Արևելյան բաղադրատոմս» (շուգարինգի խառնուրդ)

500 գ շաքար, 3 մլ մեղր, 1 կիտրոնի հյութ, 1 ճաշի գդալ ջուր, ապակե տարա: 

Հանդարտ կրակի վրա (շուրջ 10 րոպե) խառնել շաքարն ու ջուրը՝ մինչև խիտ մրգահյութ դառնալը, հետո ավելացնել մեղր, ապա կիտրոնի հյութ և խառնելով հասցնել եռման ջերմաստիճանի: Հենց խառնուրդը դառնա ոսկե-դարչնագույն, այն անհրաժեշտ է կրակից հանել  և մի քիչ սառեցնել: Օգտագործել հնարավոր է միայն ջերմաստիճանը ստուգելուց հետո՝ այրվելուց խուսափելու համար: Խառնուրդը հնարավոր է սառնարանում պահպանել, այն բերելով «աշխատող» վիճակի ջրային բաղնիքի վրա:

Հույս ունենք որ առաջարկվող հոդվածը կօգնի դեպիլյացիայի համար մեղրամոմ պատրաստել: Նկարագրված բաղադրատոմսը կօգնի  ձեզ ոչ միայն տնտեսել դեպիլյացիայի ձեռքբերման միջոցների նշանակալի մասը և գեղեցկության սրահներ այցելելը, այլև կօգնի տնտեսել ժամանակը: 

Հարցեր, պատասխաններ, մեկնաբանություններ